ພິທີປະກາດພະນັກງານເຂົ້າຮັບອຸດໜຸນບຳນານ ຂອງວິທະຍາໄລຄູປາກເຊ
ພິທີໄດ້ໄຂຂຶ້ນໃນ ເວລາ 13:40 ຂອງວັນທີ 27 ພຶດສະພາ2024 ໂດຍການເປັນປະທານຂອງທ່ານ ປອ. ສົມໄຊ ເທບສົມບັດ ຜູ້ອຳນວຍການວິທະຍາໄລຄູປາກເຊ ພ້ອມດ້ວຍຄະນະ ພ້ອມດ້ວຍການເຂົ້າຮ່ວມຂອງທ່ານ ຫົວໜ້າພະແນກ ພາກວິຊາ ອົງການຈັດຕັ້ງ ພ້ອມດ້ວຍຄູອາຈານ ແລະ ນັກສຶກສາວິທະຍາໄລຄູປາກເຊພິທີໄດ້ຜ່ານຂໍ້ຕົກລົງຂອງລັດຖະມົນຕີວ່າດ້ວຍການອະນຸດມັດເຂົ້າຮັບອຸດໜຸນບຳນານຂອງພະນັກງານ 2 ທ່ານ ຄື ທ່ານ ນ ສີອຳພອນ ສີລາເພັດ ທ່ານ ນາງ ສາຍສຳພັນ ຈູມມະບົວລີ ເຊິ່ງມີອາຍຸການຄົບຕາມລະບຽບລັດຖະກອນ ຂອງການເຂົ້າຮັບອຸດໜຸນບຳນານ ແລະ ມອບຮັບຂໍ້ຕົກລົງຈາກທ່ານຜູ້ອຳນວຍການພ້ອມດ້ວຍການມອບຂອງຂວັນຈາກພາກສ່ວນຕ່າງ ໆ
ພິທີຍັງໄດ້ຮັບຟັງການສະແດງຄວາມຮູ້ສຶກຂອງພະນັກງານເຂົ້າຮັບອຸດໜຸນບຳນານ ເຊິ່ງທັງສອງທ່ານ ໄດ້ເລົ່າຄວາມຮູ້ສຶກຂອງຕົນໃນໜ້າທີ່ ທີ່ໄດ້ເຮັດຜ່ານມາ ທີ່ສະແດງໃຫ້ພະນັກງານຣຸ່ນສືບທອດໄດ້ເອົາເປັນແບບຢ່າງຕໍ່ຜົນງານການເຄື່ອນໄຫວຂອງທ່ານທີ່ຜ່ານມາຕຫຼອດໄລຍະເວລາຫຼາຍສິບປີ ທີ່ທຸ້ມເທໃຫ້ກັບການເຮັດວຽກພັດທະນາການສຶກສາ ພັດທະນາວິຊີຊີບຄູ ກໍ່ຄືພັດທະນາຄົນ ໃຫ້ກາຍເປັນກຳລັງແຮງໃນການສ້າງສາພັດທະນາປະເທດຊາດ
ຈາກນັ້ນທ່ານຜູ້ອຳນວຍການໄດ້ຂຶ້ນກ່າວສະແດງຊົມເຊີຍໝາກຜົນງານທີ່ທັງສອງທ່ານໄດ້ສຳເລັດຜ່ານມາ ພ້ອມທັງເປັນຕົວແທນພະນັກງານຄູອາຈານ ແລະ ນັກສຶກສາ ກ່າວສະແດງຍ້ອງຍໍຜົນງານຂອງພະນັກງານເຂົ້າຮັບອຸດໜຸນບຳນານທັງ 2 ທ່ານ ທີ່ໄດ້ປະກອບສ່ວນຢ່າງຫຼວງຫຼາຍຕໍ່ວຽກງານຂອງວິທະຍາໄລຄູປາກເຊ ກໍ່ຄືວຽກງານການກໍ່ສ້າງຄູ ແລະ ອວຍພອນໄຊທັງ 2 ທ່ານ ໃນການປະຕິບັດພາລະໜ້າທີ່ຕໍ່ໄປຂອງທ່ານໃຫ້ມີແຕ່ຄວາມສຸກແລະປະສົບຜົນລຳເລັດ