ພິທີສະເຫຼີມສະຫຼອງ ວັນເດັກນ້ອຍສາກົນຄົບຮອບ 100 ປີ ( 1 ມິຖຸນາ 1924-1ມິຖຸນາ 2024) ຂອງອະນຸບານ ແລະ ປະຖົມສາທິດ ວິທະຍາໄລຄູປາກເຊ

ພິທີໄດ້ເປີດໃນເວລາ 8:30 ທີ່ສະໂມສອນ ວິທະຍາໄລຄູປາກເຊ ໂດຍໃຫ້ກຽດເປັນປະທານຂອງທ່ານ ປອ. ສົມໄຊ ເທບສົມບັດ ຜູ້ອຳນວຍການ ວິທະຍາໄລຄູປາກເຊ ທ່ານ ນ ທອງດີ ປັນຍາວົງ ຜູ້ອຳນວຍການອະນຸບານສາທິດ ທ່ານ ນ ແສ່ວມະນີ ສີຫາວົງ ຜູ້ອຳນວຍການປະຖົມສາທິດ ພ້ອມດ້ວຍແຂກທີ່ຖືກເຊີນ ຄູ ຜູ້ປົກຄອງ ແລະ ນ້ອງນ້ອຍນັກຮຽນ

ໃນພິທີ ໄດ້ຮັບການກ່າວເປີດໂດຍທ່ານ ປອ. ສົມໄຊ ເທບສົມບັດ ໄດ້ກ່າວເຖິງຄວາມເປັນມາໃນການຈັດພິທີສະເຫຼີມສະຫຼອງ ວັນເດັກນ້ອຍສາກົນ ເຊິ່ງທ່ານ ໄດ້ສະແດງໃຫ້ເຫັນຄວາມສຳຄັນຂອງການເອົາໃຈໃສ່ຕໍ່ເດັກນ້ອຍທີ່ເປັນໜໍ່ແໜງຂອງຊາດ ທີ່ຜູ້ໃຫຍ່ ຄອບຄົວ ໂຮງຮຽນ ແລະ ສັງຄົມ ຕ້ອງໄດ້ເອົາໃຈໃສ່ຝຶກຝົນຫຼໍ່ຫຼອມເຂົ້າທີ່ຈະກາຍເປັນຜູ້ສ້າງສາພັດທະນາປະເທດຊາດໃນອະນາຄົດຕໍ່ໄປ

ພິທີໄດ້ຍ້ອງຍໍເດັກຄຳຮູ້ທີ່ມີຜົນງານດີເດັ່ນ ປະເພດ 1 ປະເພດ 2 ພ້ອມດ້ວຍຮັບຊົມ ການສະແດງສິລະປະ ກິລາມວນຊົນ ແລະ ຖາມຕອບຄວາມຮູ້ທົ່ວໄປຈາກຫຼານນ້ອຍ ທີ່ສ້າງບັນຍາກາດ ມ່ວນຊືນ ແລະ ອົບອຸ່ນ.