ພິທີດັ່ງກ່າວໄດ້ຈັດຂຶ້ນໃນຕອນບ່າຍວັນພຸດ ທີ 12 ກຸມພາ 2025 ເວລາ 02:00 ທີ່ສະໂມສອນວິທະຍາໄລຄູປາກເຊ.
ໂດຍໃຫ້ກຽດເຂົ້າຮ່ວມ ແລະ ເປັນປະທານໂດຍ
ທ່ານ ພັອ ວິຊຽນ ດວງຄຳ, ຄະນະປະຈຳພັກ ຮອງຫົວໜ້າກອງບັນຊາການ ປ.ກ.ສ ແຂວງຈຳປາສັກ. ທ່ານ ພັທ ປະຫວັດ ວໍລະໄຊ, ຮອງເລຂາຄະນະພັກຮາກຖານ ຮອງຫົວໜ້າຫ້ອງສັນຕິບານ ປ.ກ.ສ ແຂວງຈຳປາສັກ ແລະ ທ່ານ ປອ ສົມໄຊ ເທບສົມບັດ, ຜູ້ອຳນວຍການວິທະຍາໄລຄູປາກເຊ ເປັນຄະນະ. ນອກຈາກນັ້ນກໍ່ຍັງມີບັນດາທ່ານຄູອາຈານ ແລະ ນັກສຶກສາວິທະຍາໄລຄູປາກເຊເຂົ້າຮ່ວມ.
ພາຍໃນພິທີ, ສະມາຊິກກອງປະຊຸມໄດ້ຮັບຟັງບົດລາຍງານການຈັດຕັ້ງປະຕິບັດວຽກງານປ້ອງກັນຄວາມສະຫງົບຂອງວິທະຍາໄລຄູປາກເຊ ໃນໄລຍະ 1 ປີທີ່ຜ່ານມາ ແລະ ຍັງໄດ້ມີການມອບ-ຮັບໃບຢັ້ງຢືນ ແລະ ໃບຍ້ອງຍໍໃຫ້ສະຖາບັນ ແລະ ພະນັກງານຢ່າງສົມກຽດ.
ພິເສດ, ສະມາຊິກກອງປະຊຸມຍັງໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຈາກປະທານກອງປະຊຸມໃນການຈັດຕັ້ງປະຕິບັດວຽກງານປ້ອງກັນຄວາມສະຫງົບໃນປີຕໍ່ໄປເພື່ອໃຫ້ໄດ້ຮັບໝາກຜົນທິ່ດີລື່ນເກົ່າ.